29.mai 2019

Så kjekt å få bruka ein heil skuledag på å få formidla hundre og tjue år gammal litteratur til ein gjeng sjetteklassingar. Eg innser på eit par område i livet er eg skikkeleg nerd…

Etter å ha planlagt neste veke sykla eg heim til ei langhelg som mormor. Slik livet har vore dei siste vekene med veksling mellom eksamenar og henting i barnehage kunne ein fort koma til å gløyma at ein er nærare seksti enn femti. Nå er det ein travel ferdigstillingsperiode av huset i Vodlavegen, og snart er det bare eg og Leif og katten som bur her igjen. Det kjem nok til å bli forferdeleg tomt å ikkje ha ei lita jente i huset lenger. Heldigvis bur du så nære at me nok skal få lånt henne litt.

Ute regnar det, og det har vore nokre forferdelege torebrak. Nettene er snart på det lysaste. Her gjeld det å klora seg fast og ikkje gå glipp av noko…

Heidi