Tiande januar
I dag var det nydeleg januarsol ute, me forstod at me måtte koma oss ut medan det var lyst og fint. Me kjørde opp til Sælandskogen og gjekk ein tur derifrå. Snølaus vinter kan vera fint det og. Det var eit tynt islag der det var vått, og landskapet var halmgult og mosegrønt.
.
Biletet over et frå Ogna kyrkje der eg var i går kveld for å lesa opp frå den nye boka mi. Olav og Malena som var vertskap for kvelden er ivrige pilgrimsentusiastar, så der fekk me og litt gode råd og inspirasjon. Me kjenner ganske mange som har vore på pilgrimsferd, felles for dei aller fleste er at eg reknar dei for å vera ein del sprekare enn meg, men ein får ta nokre av dei utfordringane som dukkar opp langs vegen… God helg, alle saman.
Heidi
Kommenter innlegget
sporisand 