Gå til innhald

18.mai-

mai 18, 2007

Ingen spør nokonsinne tre veker på førehand om korleis 18.mai-veret skal bli. I dag set me dobbel pris på godveret i går, for det har vore grått og regntungt heile dagen, men i dag gjer det absolutt ingenting. I alle fall ikkje for nokon her i huset. 18.mai har vore ein dag utan store ambisjonar. Dagens største utfordring har ikkje vore større enn å arrangera 14-års-dag for femten unge damer.

I føremiddag var eg veldig nære å gje etter for folkekravet frå dei tre yngste om å kjøra den sjuke hamsteren vår til dyrlegen. Eg gjekk så langt som til å ringa veterinæren, men dei tok bare i mot telefonar før ti.
Så vart det ein telefon til Jan Ivar i staden, samt smuglesing av ei hamsterbok på dyrebutikken. Pasienten vår ser ut til å kunne vera ramma av ei blanding av forkjøling og alderdomssvekking. Det første kan ein bli frisk av. Halvard og Sunniva er optimistar, for i dag har han gått rundt i buret, rett nok framleis ein tanke ustø, og ete salatblad som han held mellom labbane på vanleg hamstervis.

I morgon fyller Sunniva fjorten år, men fordi nokra av venninnene skulle reisa vekk er det blitt feira i dag. Eg og ho har jobba med saka heile dagen. Me dekka bord med koboltblå tallerkenar, limegrøne dukar og rosa serviettar, med 17.maibukettane frå i går i vasane.

Menyen vart enkel: Tacos med diverse tilbehøyr og dessertbord, med is, sjokoladepudding, peanøter, jordbær, krem, bananskiver, sjokoladekake, varm sjokoladesaus, marshmallows og diverse godteri i skåler.
Stemningen har vore høg, og deler av forsamlinga er framleis i festmodus etter fem timar. Dei ler og snakkar høglydt nede i kjellarstova.

Det er stor forskjell på femten pynta tenåringsjenter som underheld seg sjølv, og ein tilsvarande gjeng gutar i 7-8 års-alderen. I år blir sistemann i huset tenåring. Eg vil seia at me har begynt å få ein viss dreis på barneselskap etter å ha arragert ca 48 slike… Det er så synd at kompetansen skal renna ut i sanden, for nå er me faktisk ferdige… Barneselskapscatering er vel omtrent det eg kunne trenga på aktivitetsplanen min…

Sette meg for å sjå på TV, men sovna heile tida, så det gav eg opp… Nå skal eg ned og sova vidare.

Heidi

From → Uncategorized

4 kommentarar
  1. May-Lis permalink

    Konfirmant sangen håper jeg vil gå videre og at flere menigheter vil få glede av den. Den er kjempeflott 🙂 Jeg måtte flire litt av innlegget ditt i dag. Kjent fenomen. Jeg er så imponert av deg. Du er så fantastisk. Tror du skal slutte å bry deg med husarbeid og heller skrive mye. Du gleder mange 🙂

  2. 48 barnebursdager? korleis rekna du fram det? Menyen høyrast god ut.. er det det same eg kan venta meg når eg kjem tilbake til byen på Jæren?

  3. Heidi: permalink

    May-Lis:
    Eg er allereie farleg langt ute på den heller skriva enn rydda hus galeien 😉
    OC
    Det er klart… Eg tenkte at alle fire har hatt selskap frå dei var 1-12 + -… Det er klart at godsakene står i kø når kronprinsen kjem heim…

  4. Leif permalink

    blogging om smågnagere hører absolutt med til web 2.0 sjangeren: se http://knufflebunneh.blogspot.com/2007/03/history-of-blogging.html

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: