Gå til innhald

Alle mine tider

juli 22, 2015

Samarbeidet med Hilde Svela vart innleia med at ho lurte på om eg kunne hjelpa henne med tekstar til nokre bibelstadar ho var glad i. Mellom anna lurde ho på om eg kunne tenkja meg å skriva ein tekst over denne bibelteksten frå Forkynnaren.

image

1Alt har si tid,
det er ei tid for alt
som hender under himmelen:
2ei tid for å fødast, ei tid for å døy,
ei tid for å planta, ei tid for å riva opp,
3ei tid for å drepa, ei tid for å lækja,
ei tid for å riva ned, ei tid for å byggja,
4ei tid for å gråta, ei tid for å le,
ei tid for å sørgja, ei tid for å dansa,
5ei tid for å kasta stein, ei tid for å samla steinar,
ei tid for å ta i famn, ei tid for å la famntak vera,
6ei tid for å leita, ei tid for å mista,
ei tid for å gøyma, ei tid for å kasta,
7ei tid for å riva sund, ei tid for å sy i hop,
ei tid for å teia, ei tid for å tala,
8ei tid for å elska, ei tid for å hata,
ei tid for krig og ei tid for fred.
(Forkynnaren 3)
Etter at eg arbeidde med denne teksten har eg tenkt ein del på han. Det er sant at eit menneskeliv romar mange tiden, og det er trøyst i at det er tider for alt. Det er slik det er å leva.
Slik vart teksten min, som altså snart blir å få kjøpt på plate  («Ver hos meg» av Hilde Svela)

*

Det finnest ei tid for å gråta,
det finnest ei tid for å le,
ei tid for å fødast, ei tid for død,
og tider for krig og fred.

*

Det finnest ei tid til å byggja,
og ei for å riva ned,
ei tid for å elska, ei tid for hat,
for tale og teiing med.

*
I di hand, Gud, er mi tid, heile mitt liv,
i di hand, Gud, er mi tid, heile mitt liv.
Det er godt alt eg har fått, det er godt.

*

Det finnest ei tid for å dansa,
men sorga har og si tid,
ei tid for å samla, ei tid for tap,
å finna og setja fri.

*

Det finnest ei tid for å planta,
og ei for å luka vekk,
men i dine hender er tida mi,
der ligg ho så langt ho rekk.

*

Så legg eg til ro mine tider,
i handa di, trygt hos deg.
Og medan dei vekslar og stig og synk,
så veit eg du vaktar meg.

*

image

Heidi

From → Poesi, Tru

5 kommentarar
  1. Det blei ein veldig fin tekst! Ein veldig fin tekst!

  2. Torunn Vik permalink

    Hei. Eg har «funne» di side på Facebook, og eg vil berre seia takk for at du dele tankar og ord med andre. Fint å lesa det du skriv, rører ved mange strenger i mitt liv. Gud velsigne ditt liv.

  3. Tusen takk, begge to. Gud velsigne dokkar liv og. Det er alltid sterkt og fint å få tilbakemeldingar her.

  4. Torbjorn Askeland permalink

    Dette er ein av dei finaste sangane eg veit om – den innhaldsrike teksten, den nydelelege melodien og den vakre framføringa til Hilde Svela
    Takk 🙂
    Beste helsing Torbjørn

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s

%d bloggarar likar dette: